Wonten ing lampahan Wisanggeni Krama dhalang sanesipun ing gagrak Surakarta, menawi katandhingaken lampahan saking gagrag mBanyumasan tetela benten sanget. Contonipun panjenengan saged mbetenaken lampahan menika kaliyan lampahan ingkang sami, ingkang kagelar dening Ki Nartosabdo.
Wonten ing pagelaranipun Ki Nartasabda, Wisanggeni krama pikantuk Dewi Mustikawati ingkang nyuwun bebana tigang perkawis ingkang winasatan tiga mustika, inggih menika mustikaning geni, mustikaning angin lan mustikaning banyu.
Mustika tetiga menika nyatanipun sampun sumandhing wonten ing caketipun Raden Wisanggeni, awit mustika menika awujud garwanipun ingkang ramanipun, Raden Janaka, inggih menika Dewi Dersanala ingkang putrinipun Bathara Brama dewaning agni, Dewi Barunawati ingkang putrinipun Bathara Baruna dewaning tirta lan Dewi Marutawati putri saking Bathara Bayu.
0 Komentar